История

Бортничество_

Слово погибели Земли Русской

О смерти великого князя Ярослава. О светло светлая и украсно украшена земля Руськая! и многыми красотами удивлена еси: озеры многыми удивлена еси, реками и кладязьми месточестьными, горами крутыми, холми высокыми, дубравоми чистыми, польми дивными, зверьми разлычными, птицами бещислеными, городы великыми, селы дивными, винограды обителными <садами монастырскими>, домы церковьными, и князьми грозными, бояры честными, вельможами многами. Всего еси испольнена земля Руская, о прававерьная вера християньская!

Отселе до угор и до ляхов, до чахов <чехов>, от чахов до ятвязи, и от ятвязи до литвы, до немець, от немець до корелы, от корелы до Устьюга, где тамо бяху тоимици погании и за дышючим морем <Северное Ледовитое или Белое море>, от моря до болгар, от болгарь до буртас от буртас до чермис, от чермис до моръдви, - то все покорено было богом крестияньскому языку поганьскыя страны великому князю Всеволоду, отцю его Юрью, князю кыевьскому, деду его Володимеру и Манамаху, которым то половоци дети своя ношаху в колыбели, а литва из болота на свет не выникываху, а угры твердяху каменыи городы железными вороты, абы на них великый Володимер тамо не вьсехал. 

Богоматерь Владимирская

Богоматерь Владимирская

А немци радовахуся, далече будуче за синим морем; буртаси, черемиси, вяда и моръдва бортьничаху <платили дань мёдом> на князя великого Володимера, и жюр <господин (греч.)> Мануил цесарегородскый опас <опасение> имея, поне и великыя дары посылаша к нему, абы под ним великый князь Володимер Цесаря города не взял. А в ты дни болезнь крестияном, от великаго Ярослава и до Володимера, и до ныняшняго Ярослава, и до брата его Юрья, князя Володимерьскаго.

Бог  Бортничество  Бояре  Булгарское царство  Буртасы  Великий князь  Великое княжество Литовское  Вера  Водь  Города восточных славян  Карела (карьяла), ижора  Киев  Князь  Монастырь  Мордва  Половцы  Правые и левые  Русь  Христианство  Царь  Церковь  Владимир I Святославич  Владимир Мономах  Ярослав Владимирович (Мудрый)

SM